Wo IMAP

IMAP za Internet Message Access Protocol steji. Zmóžnja e-mejlowemu programej (na přikład Thunderbird) přistup k powěsćam, kotrež su na e-mejlowym serwerje składowane. Je moderniši a połnohódniši hač POP (Post Office Protocol), kotryž je druhi hłowny protokol za přistup k e-mejlowym powěsćam. Najwjace e-mejlowych poskićowarjow nětko IMAP podpěruje. Zo byšće hladał, hač waše konto IMAP abo POP wužiwa, hladajće na stronu serwerowych nastajenjow w kontowych nastajenjach:

Lěpšiny IMAP

IMAP-protokol aktiwitu online kaž tež offline podpěruje. Powěsće dadźa so tohodla na ličaku a na serwerje składować, štož wam wjele lěpšinow skići:

• Móžeće wjele programow wužiwać, zo byšće přistup k powěsćam měł. Wužiwar Thunderbird móže na přikład z kontom Microsoft Live nałoženje Thunderbird, kotryž je na jeho systemje zainstalowane kaž tež powjerch we webje, wot Microsoft wužiwać.

• Wužiwarjo Thunderbird móža swoje powěsće na swój lokalny system sćahnyć a maće přistup k nim, samo hdyž woni z internetom zwjazani njejsu.

• Powěsće so spěšnišo začitaja, hdyž so na lokalnym běhadle składuja. Pytanski wukon je wjele spěšniši hač pytanje sadźby powěsćow na zdalenym serwerje. Połnotekstowe pytanje za wobsah powěsće je jenož w powěsćach móžne, kotrež su so sćahnyli.

Ale, zo by so tute wašnje fleksibelnosće a funkcionalnosće k dispoziciji stajiło, dyrbja so powěsće mjez ličakom a e-mejlowym serwerom synchronizować.

Synchronizacija

Zo byšće synchronizaciju powěsćow rozumił, předstajće sej slědowace scenarije:

• Powěsć so do Thunderbird sćehnje a w Thunderbird zhaša. (Powěsć dyrbi so z ličaka kaž tež z e-mejloweho serwera zhašeć.)

• Powěsć so do Thunderbird sćehnje a pozdźišo přez na webje bazowacy program zhaša (na přikład Yahoo Mail abo Gmail). (Powěsć dyrbi so z powěsćoweho repozitorija Thunderbird zhašeć.)

• Naćiskowa powěsć je so w Thunderbird spisała a składowała (ale nic wotpósłała). (Naćisk dyrbi so z powěsćoweho repozitorija Thunderbird na e-mejlowy serwer kopěrować.)

Hdyžkuli so Thunderbird startuje, přepruwuje status synchronizacije mjez powěsćowym repozitorijom Thunderbird a e-mejlowym serwerom, a přewjedźe potom trěbne přenošowanja (na přikład sćahowanje nowych powěsćow wot serwera, zhašenje powěsćow wot serwera, kotrež su so lokalnje zhašeli atd.). Thunderbird stajnje z e-mejlowym serwerom synchronizuje, dołhož běži a ma přistup k internetej. Jeli je so přistup k internetej zhubił, budźe Thunderbird synchronizować, hdyž přistup je zaso wobnowjeny.

Njesynchronizowane powěsće su hišće w Thunderbird k dispoziciji. Jenički rozdźěl je, zo so, město toho, zo by so cyła powěsć sćahnyła, jenož „hłowy“ powěsćow sćahuja. (Powěsćowe hłowy informacije kaž wotpósłarja, přijimarjow, temu atd. wobsahuja - wšitko nimo wobsaha powěsće.) Wobsah so njesćahuje, doniž na powěsć w lisćinje powěsćow njeklikaće (štož rěka, zo, jeli online njejsće, njemóžeće powěsć čitać).

Synchronizacija so na wukon a přetrjebu składa wuskutkuje.

Wukon a pytanje

Powěsće, kotrež so lokalnje składuja, so spěšnišo začitaja, hač powěsće, kotrež su na e-mejlowym serwerje składowane. Hdyž so powěsće na e-mejlowym serwerje składuja, so wobsah powěsće njesćehnje, doniž so njewotwołuje (na přikład přez kliknjenje na powěsć w lisćinje powěsćow Thunderbird). Prjedy hač Thunderbird móže wobsah pokazać, dyrbi jón z e-mejloweho serwera sćahnyć.

Hdyž Thunderbird dyrbi wjele powěsćow wot e-mejloweho serwera sćahnyć, móže to k nachwilnemu wukonowemu spadej wjesć. To so zdźěla přez sćehnjenski porces zawinuje, ale tež přez indeksowanski proces (přez kotryž so tekst powěsćow analyzuje a indeksuje a spěšne a mócne pytanje za powěsćemi zmóžnja). Hdyž sćehnjenje a indeksowanje stej dokónčenej, budźe wukon zaso normalny. Status synchronizacije so deleka nalěwo w Thunderbird pokazuje.

Połnotekstowe pytanje Thunderbird za wobsah je jenož za powěsće k dispoziciji, kotrež su so synchronizowali (tuž sćahnyli). Za njesynchronizowane powěsće su jenož powěsćowe hłowy přepytujomne.

Přetrjeba składa

Jeli wjele mejlkow maće a wobmjezowany rum na swojim lokalnym běhadle, nochceće snano wšě swoje powěsće synchronizować. Kaž horjeka podate, su powěsćowe hłowy hišće w Thunderbird na ličaku widźomne. Wobsah wšak so jenož „je-li trjeba“ sćahuje a njeje k dispoziciji, hdyž sće offline.

Zo byšće kajkosće synchronizacije manuelnje konfigurował, wočińće stronu Synchronizacija a składowanje w dialogu kontowych nastajenjow (Nastroje | Kontowo nastajenja...Wobdźěłać | Kontowe nastajenja...).

Synchronizaciju a přetrjebu składa konfigurować

Wočińće stronu Synchronizacija a składowanje w dialogu kontowych nastajenjow (Nastroje | Kontowe nastajenja...Wobdźěłać | Kontowe nastajenja...):

Nastajenje Powěsće we wšěch rjadowakach za tute konto na tutym ličaku wobchować měło zmóžnjene być, jeli chceće powěsće mjez swojim lokalnym systemom a swojim e-mejlowym serwerom synchronizować.

Jeli tute nastajenje je znjemóžnjene, móžeće jednotliwe rjadowaki za synchronizaciju podać. Klikńće na tłóčatko Rozšěrjene...:

Wubrane rjadowaki so synchronizuja. Podrjadowaki so awtomatisce njesynchronizuja, jenož dokelž nadrjadowany rjadowak je wubrany. Dyrbiće město toho kóždy jednotliwy rjadowak wubrać.

Powšitkowne nastajenja za tačelowy rum su deleka na stronje Synchronizacija a składowanje konfiguruja. Móžeće powšitkowne nastajenja za synchronizaciju postajić (na přikład najnowše powěsće synchronizować abo powěsće, kotrež su mjeńše hač wěsta wulkosć). Tutón dźěl strony ma tež nastajenja za zhašenje wjele powěsćow (kotrež so měło wězo z kedźblowosću wužiwać).