Konfigurowanje noweho konta z Thunderbird je lochke. Wšitko, štož dyrbiće činić, je, swoje wužiwarske mjeno a hesło za swojeho e-mejloweho poskićowarja a swoju e-mejlowu adresu podać. Thunderbird zwiskowe podrobnosće (na přikład porty, serwerowe mjena, wěstotne protokole atd.) postaja, hdyž swojeho e-mejloweho poskićowarja w datowej bance pytaće, kotraž zwiskowe informacije za wšěch wažnych poskićowarjow internetnych słužbow (ISP) wobsahuje. Po tym zo je poskićowarja wašeho konta postajił (kaž je za symbolom „@“ we wašej e-mejlowej adresy podaty), móže Thunderbird zwjetša kontowe podrobnosće k dispoziciji stajić.

Prěni raz, hdyž Thunderbird po instalaciji wočinjeće, dóstawaće namołwu profil załožić. (Začińće w tutym časowym dypku wokna, kotrež wam konfiguraciju e-mejloweje słužby namjetuja a pokročujće). Jako dalše was proša, podrobnosće wo wašim e-mejlowym konće w slědowacym dialogowym polu podać. Dialogowe polo so tež pokazuje, hdyž nowe e-mejlowe konto přidawaće (wužiwajo Dataja > Nowy > Eksistowace e-mejlowe konto… abo z Kontowe nastajenja). Druha móžnosć, zo by so nowe konto přidało, je kliknjenje na mjeno eksistowaceho konta (pokazana e-mejlowa adresa). Pod nadpismom „Konta“ stej dwě nastajeni: „Nastajenja za tute konto pokazać“ a „Nowe konto załožić“„Konto konfigurować“. Klikńće pod „Nowe konto załožić“„Konto konfigurować“, na „E-mejl“, zo byšće slědowace dialogowe polo pokazał.

Hdyž na Dale klikaće, budźe Thunderbird za e-mejlowym poskićowarjom pytać a pospytować, serwerowe nastajenja postajić.

W padźe horjeka su so daty poskićowarja wužili, zo bychu kontowe podrobnosće zapisowali a słužby konfigurowali, kotrež so poskićeja:

• Dochadźaca e-mejl: IMAP na imap.gmx.net wužiwajo Secure Socket Layer (SSL)
• Wuchadźaca e-mejl: SMTP na mail.gmx.net wužiwajo SSL

Maće móžnosć pak IMAP pak POP jako swój protokol za dochadźacu e-mejl wubrać. IMAP a POP stej standardnej protokolej za wotwołowanje mejlkow. IMAP, moderniši protokol, wam zmóžnja, powěsće na e-mejlowym serwerje a na wašim ličaku nadobo składować. Protokol POP jenož zmóžnja, powěsće lokalnje składować. E-mejlowi poskićowarjo móža přistup pak přez IMAP-protokol pak POP-protokol poskićić, abo podpěruja wobaj protokolej. (Zo byšće techniske podrobnosće za wobaj protokolej lěpje rozumił, hlejće Glossary of Terms including types of Accounts a IMAP-synchronizacija.)

Zo byšće konfiguraciju konta dokónčił:

• Konto załožić: Klikńće na tute tłóčatko, zo byšće nowe konto załožił.
• Přetorhnyć: Awtomatiska konfiguracija konta so přetorhnje.
• Manuelna konfiguracija...: Móžeće konto manuelnje konfigurować. Thunderbird nowe konto z pokazanymi podrobnosćemi załoži a wočini dialog Kontowe nastajenja, zo byšće móhł dalše změny přewjesć. (Hlejće Manuelna kontowa konfiguracija za pomoc.)

Po tym zo sće konto załožił, Thunderbird nowe konto pokaza:

Jeli waše konto njeda so awtomatisce přez Thunderbird konfigurować, dyrbiće jo manuelnje konfigurować. To so w dialogu Kontowe nastajenja stawa, kotryž w meniju Nastroje namakaće. E-mejlowy poskićowar wašeho konta móže wam podrobnosće wo zwiskowych informacijach dać. (Informacije su najskerje na jeho websydle k dispoziciji.) Čitajće nastawk Manuelna kontowa konfiguracija za dospołne instrukcije. Hlejće nastawk FAQ Changing IMAP to POP, jeli dyrbiće serwer za dochadźacu e-mejl wot IMAP do POP přestajić.

Noweho ISP přidać

Team Thunderbird chce serwerowe informacije za tak wjele ISP a webmejlowych poskićowarjow kaž móžno hromadźić. Wy móžeće pomhać! Jeli so informacije wo wašim e-mejlowym serwerje njenamakaja, hdyž swoje konto załožujeće, dyrbiće swoje konto manuelnje konfigurować. Ale, prošće prošu swojeho e-mejloweho poskićowarja, zo by wón swoje zwiskowe informacije připósłał. Za podrobne techniske informacije wo ISPDB a awtokonfiguraciji, kak móžeće ju wužiwać a jej datowu sadźbu přidać, hlejće Autoconfiguration in Thunderbird na MDN web docs.